Drenthecursus in Grol

 

Drentse vlagAl jaoren gef het Huus van de Taol de Drenthecursus. Jan Hartlief, bij veulen wel bekend, is naost veul andere dingen ok docent Drents. In acht aovends wul hij je veul leren over de Drentse taol en cultuur. Vanzölf is de Drentse taol belangriek in de cursus, ok al is het gien taolcursus. De aovends bint heul gevarieerd: Der wordt Drentse literatuur lezen, der wordt praot over Drentse gebruken en over streektaolmuziek. Ok kiek wij naor verschillende Drentse dörpstypes en het Drentse landschap. Met oeteraord veul andacht veur het dörp Grol.

Het cursusboek is de basis veur de cursus, maor Jan hef genog kennis van zaoken um eigen underwarpen in de cursus an bod te laoten kommen. Een maotwarkcursus dus! De cursus wordt geven in het Drents van Grol en umstreken.

De Drenthecursus kost 55 euro en daor zit het nuvere cursusboek bij in. Het kan wezen dat daor nog een bijdraoge veur huur en koffie bij komp. (We bint nog an 't bekieken of we hier en daor nog wat subsidie lös kunt peuteren.

De bedoeling is um in 't naojaor van 2022 te preberen de cursus in het dörpshoes te organiseren. Maor ja, dat hangt veul van de ontwikkelingen rond Corona of vanzölf. Zo gauw as wij meer weet, heur ie dat van oes.

Elk en ien kan met andoen. Je huuft dus niet oet Grol te kommen. Liekt het je wat, geef je dan op. Woj eerst nog wat meer weten, dan kuj aait bellen met Bertus Reinders, maor een mailtie is makkelijker Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. 

Doej met an?

Over grolloo.com

Verenigingen zijn zelf verantwoordelijk voor de informatie. Een deel van de verenigingen bezit een eigen website. De webmaster onderhoudt voor een aantal verenigingen hun webpagina.

 Grolloo, een dorp waar nog reuring is. Grolloo is rijk aan verenigingen en gelukkig ook nog vele bedrijven. Op deze site veel informatie over deze verenigingen en hun vele activiteiten. Ook vindt u hier de bedrijven, gevestigd in en om Grolloo.