Oetslag van de leste week

Het is beurt. Het zit der op. En ik ben daor wis en warachtig bliede met. De top vief bint allemaol vrouwluu en die geeft mekaor niet veul. Veer van de eerste vief zaten veurig jaor ok bij de eerste vief. Het is dat der een paor een week mist hebt, want aans had der lichtkaans niet meer as een paor punten verschil in zeten.

7. De leste zin van dizze ronde. Daor bin ie vast slim wies met. Aans ik wel. Wat een geprakkezeer en aal week opnei. Afijn, ’t is goed veur de harsens zuw maor zeggen. Ik hoop daj je vernuverd hebt. As wij ’t nog iens op touw zetten moet, moej ’t maor angeven.

7. De laatste zin van deze ronde. Daar ben je vast erg blij om. Anders ik wel. Wat een gepieker en elke week weer. Afijn, het is goed voor de hersenen zullen we maar zeggen. Ik hoop dat je je vermaakt hebt. Als we het nog een keer moeten organiseren, moet je het maar aangeven.

 

7 prieswinnaor RennieHeel bliede is niet erg bliede. Geprakkiseer, gedenk, getob of nadenken is aans as gepieker. Hersens is niet goed. En aj je vernuverd, dan hej plezier, maor wij hadden vermaakt bedoeld. Het gung dus weer um de punten en de komma’s.

De pries van dizze week giet nao loting naor Rennie Oldejans. Rennie hef een paor keer mist, maor het gemiddelde duud der op dat ze aans best wel iens an kop had kunnen gaon in de competitie.

Beste mensen, dit waren de zinnen van dizze ronde. Zeuven zinnen of eigenlieks körte verhaolties, die stuk veur stuk goed vertaold bint. Praot Drents! Het is van belang daj goed Nederlands kunt praoten, maor wat is het fijn daw in oeze eigen umgeving oeze streektaol gebruken kunt. Gewoon doen!

 

Oetslag van de zesde week

Ik geleuf dat sommige strieders de biel der bij neergooit hebt. Ik mis ze teminnen bij de ingeleverde brievies. Met nog ien week te gaon, lek alles der op dat we een spannende leste week kriegt. ’t Zal mij beneien.

6. Glukkig neijaor! De tied weer hiel deurkommen? En, hej al weer bosschuppen neudig? Want elk en ien kun ankommen vanzölf. En aj ze dan stief wat veurzet hebt, dan bint ze ok wel ankommen denk ik. Nou ja, dat is in dizze tied ok bijkaans niet aans.

6. Gelukkig nieuwjaar! De tijd weer doorgekomen? En, heb je al weer boodschappen nodig? Want iedereen kan langskomen natuurlijk. En als je ze dan flink wat voorgezet hebt, dan zijn ze ook wel aangekomen denk ik. Nou ja, dat kan in deze tijd ook haast niet anders.

6 prieswinnaor LeanneBen je bosschuppen neudig of heb je bosschuppen neudig?
Iene stief wat veurzetten, kan heel wat, zeker genoeg, heel veel, maor niet in ieder geval wezen. Wij hadden graog flink wat wullen zien.
Bijkaans weur nogal iens vergeten te vertaolen en zeker niet is niet goed. Wij hadden haast bedoeld en dan zit bijna daor dicht bij.

De pries van dizze week is wunnen deur Leanne Reinders-van Klinken. De anholder wint, dat bliekt maor weer. Gewoon preberen mensen! Het is maor een spelligie, maor de weekpries is toch mooi metnummen.

Nog ien week. De eindstreep is in zicht. Tussen de eerste veer dielnimmers zit maor 6 punten verschil. Alles is nog meugelijk.

tussenstand

Oetslag van de viefde week

Ik maok het je veul te makkelijk. LekkerMakkelijk kuj haost zeggen, maor het levert wel op daj bij ’t naokieken echt op je strepen moet gaon staon. Der kan der maor ien de beste wezen. Ien die, naost dat die de tekst goed begrepen hef, ok ’t geluk hef daj de juuste woorden kiest.

5. Hej al rollegies en knieperties op bossum staon? De arften al in de wiek? Old en nei komt er an en now der gien vuurwark is, moej aans knallen. Een pot snert waor ie de lepel recht op in zetten kunt, wul dan wel iens helpen.

5. Heb je al rolletjes en knijpertjes op de schoorsteenmantel staan? De doperwten al in de week? Oud en nieuw komen er aan en nu er geen vuurwerk is, moet je op een andere manier knallen. Een pan snert waar je de lepel rechtop kunt inzetten, wil dan wel eens helpen.

5 prieswinnaor EldinaDer wordt – gelukkig maor – nogal iens een woord vergeten. Dat helpt, want dat kost je drekt een punt. En wees now eerlijk, bossum en bosschuppen liekt wel wat op mekaor en dus kun bossum wel boodschappenlijst wezen toch? En volk, echt heur, as wij knieperties zegt, dan is dat in het Nederlands niet kniepertjes. Wij Drenten, wij kört de boel wat of, dat klopt wel, maor een vraogtieken in het Drents wordt ok gewoon een vraogtieken in het Nederlands en dus moej die ok opschrieven.

Ik kan wel zien daj stinkend je best doet. Ie maggelt der wat an of. Smangs kan ik amper iets maoken van die hiërogliefen. Maor ik bin der oetkommen en de winnaor van week vief hef al een keer eerder op het podium staon. Eldina kwam met een punt verschil as beste oet de stried. Filisteerd wicht!

Nummer 6 hew der an toevoegt. Aans ziej allent maor dames en der bint toch wis en warachtig ok wel kerels die bosschuppen doet.

Oetslag van de veerde week

Niet zoveul dielnaome dizze week. Nou, dat is makkelijk naokieken, weur der zegt. Niks is minder waor, want het giet der um heer in de top. Niet dat ie dat metkriegt, maor hier op het kantoor van de wedstriedleiding heb wij wel in de gaoten dat der weer een aantal veur de hoofdpries gaot.

De ingeleverde vertaolingen waren eigelieks allemaol goed. Het giet der dan um welk synoniem ie waor gebruukt en of dat overienkomt met de vastgestelde zin. ’t Verschil zat dizze week meer in een paor letters dan in woorden. Of ie moet een hiele zin vergeten hebben vanzölf en dat komt ok veur.

4. Veurige week waren de appelsien in de anbieding. Heb een putie kocht. Der zat een slimme tussen. Kan gebeuren vanzölf, maor ik kreeg vortdaolijk een neie. En as neiweek de slaot ofpriest is, duur ik dat wel an te schaffen.

4. Vorige week waren de sinaasappels in de aanbieding. Ik heb een zakje gekocht. Er zat een slechte tussen. Kan gebeuren natuurlijk, maar ik kreeg direct een nieuwe. En als volgende week de sla afgeprijsd is, durf ik dat wel te kopen.

4 prieswinnaor Margriet

Goed dan, as argens een slimme tussen zit, is dat een slechte. En ja, een rotte is ook slecht, maor een slimme kan ok een kleintie wezen. En neiweek is de volgende week, ok de aanstaande, maar dat stun dan weer niet in de vastgestelde vertaoling. Aj dan zegt daj ok een beetie geluk moet hebben, dan hej hielemaol geliek. Margriet had dizze keer net iets meer mazzel.

Margriet Dilling en Roely Sijbring gaot an kop, maor met nog drei week te gaon is der nog van alles meugelijk. En vergeet niet dat de weekpriezen ok harstikke mooi bint. Een schier pakket an bosschuppen is nooit weg.

 

 

Oetslag van de daarde week

Slim lastig was ’t ok dizze keer niet. En toch, aj scharp kiekt, dan bint der toch dingen die as ie kunt opmarken en dat hew dan ok maor daon. Een paor anwiezings kan ik je wel geven.

3. Now Sunterklaos weer vot is, komt de lange aovends weer an. Ik haol mij eerdaogs wat hiete euliebollen op. As ik dan tegen tweiduuster hen de winkel gao, hek ze mooi tegen ’t aovendeten op taofel.

3. Nu Sinterklaas weer vertrokken is, komen de lange avonden weer aan. Ik haal binnenkort wat hete oliebollen op. Als ik dan tegen schemertijd naar de winkel ga, heb ik ze mooi tegen het avondeten op tafel.

3-prieswinnaor_Jan.jpgHierunder een saomenvatting in ien zin met de belangriekste verschillen:

Nu Sinterklaas weer weg is, komen de lange avonden er weer aan. Ik haal mij de komende tijd (één dezer dagen) een paar warme oliebollen op. Als ik dan tegen het duister (schemering, schemer, schemerdonker, aan het eind van de middag) naar de winkel ga, heb ik ze mooi met het avondeten (tegen of rond etenstijd) op tafel.

Elk en ien had ’t woord vertrokken niet gebruukt en dat meuk dus gien verschil. Binnenkort is vaok bruukt, maor ok de gegeven woorden kwamen veur. Een paar is twee. En ’t verschil tussen warme en hete oliebollen vuul je wel wanneer ie ze anpakt. Een mooi woord hé, tweiduuster en hiel biezunder wat der dan as vertaolings binnenkomt. Met, rond of tegen etenstijd, jao, ik weet niet hoe of ’t bij je giet, maor wij eet drei maol daogs en dus mus het avondeten wezen.
Zunde is het aj woorden teveul schrieft of vergeten bint. Of aj winkel bedoeld, maor daj winter opschrieft. Dan zit ie argens aans an te prakkezeren denk ik.

Tot now toe zit wij op 20 dielnimmers. 4 Hebt de ok 4 x met andaon, maor daor zit maor 2 punten verschil in. En der is niet iene van die al een keer wunnen hef dit jaor. Volgende week komt de eerste tussenstand.

Oh jao, Jan Blaauw, van harte filisteerd! Het is je lukt um zo dicht meukelijk tegen de bedoelde zin te zitten. 

Oetslag van de tweede week

2-prieswinnaor_Eldina.jpgDe zin van de tweede week was arg makkelijk en ik moet eerlijk zeggen, der was gienien die het eingelieks fout had. Aj now allemaol een tien kriegt, dan kow der ok niet oet. Dus maor weer letterlijk vergelieken met de vastgelegde zin. Ok dan mus ik een pienekeutel wezen.

Elke ofwieking van de bedoelde tekst hek een punt oftrökken, want aans kwam ik der nog niet oet. En dan nog bint der drei die maor lotties mussen trekken. Nou ja, bedankt daj metdaon hebt. Wij hold de Olympische gedachte der maor op nao, liekt mij. De pries van dizze week, weer een mooi pakket an bruukbaore spullen, giet naor Eldina Everts-Hoven. Eldina, filisteerd!


Kös hadden wij een feesie en mussen wij hiel wat bosschuppen hebben. Ik mus maor ies argens aans gaon kieken. Now, dat hek weten. Kun de auto niet kwiet en was niks goedkoper oet. Ik mag dan een griepstuver wezen, maor blief mooi in Grol.

 

Pas geleden hadden we een feestje en moesten we heel wat boodschappen hebben. Ik moest maar eens ergens anders gaan kijken. Nou, dat heb ik geweten. Ik kon de auto niet kwijt en was niks goedkoper uit. Ik mag dan een gierigaard zijn, maar blijf mooi in Grolloo.

Een liest met verklaoring van woorden huuf ik dus niet te geven. De dielnimmers kunt zölf wel een beetie naogaon waor aj verschillen hadden.

Der was der iene bij die as een hiele zin vergeten was. Kiek, da’s Lekker Makkelijk. En as wij in het Drents Grol zegt, dan is dat in het Nederlands nog aait Grolloo. Maor ik bin der wies met aj in de vertaoling dan ok Grol schrieft heur....

Oetslag van de eerste week

Vrogger duurde ik in mien daogse striepsiekoren boks niet zo hen de dörpswinkel. Bij toeren gung ik dan wel achterum. Zukswat kan in een dörp aait nog.

 

Vroeger durfde ik in mijn corduroy werkbroek niet zo naar de dorpswinkel te gaan. Soms ging ik dan wel achterom. Zoiets kan in een dorp nog steeds.

1 prieswinnaor Tjitske

Het was Tjitske Hiemstra die der ’t dichtste bij zat. Filisteerd Tjitske!

 

Tja beste dielnimmers, het was lastig naokieken. Um die reden hew de zin – zo as wij die bedacht hadden – van te veuren vertaold en in een kevort daon.


Striepsiekoren – Corduroy
En naotuurlijk bint daor veul andere woorden veur te bedenken, maor je moet een beetie geluk hebben. Ribkoord; ribcord ; streepjes; manchester; ribfluwelen en corduro (die leste hek maor goed rekend).

Daogse boks – Werkbroek
Populair Nederlands en dus hadden we de – daagse; dagelijkse; alledaagse; oude – broek, maar gewoon een werkbroek genoemd.

En een dörpswinkel is een dorpswinkel. Als ie aait ziet, moej altijd of nog steeds gebruken. Altijd is trouwens niet fout gerekend.

Naost een goede vertaoling gung het der dus ok um, um zo dicht meugelijk bij de vertaling te zitten die as wij bedacht hadden.

We warkt met halve en hiele strafpunten. Kom je dan op een 8,5, dan wordt dat ofrond naor een 9. De winnaor van dizze week had feitelijk maor een half puntje meer dan veer andere dielnimmers.

 

Over grolloo.com

Verenigingen zijn zelf verantwoordelijk voor de informatie. Een deel van de verenigingen bezit een eigen website. De webmaster onderhoudt voor een aantal verenigingen hun webpagina.

 Grolloo, een dorp waar nog reuring is. Grolloo is rijk aan verenigingen en gelukkig ook nog vele bedrijven. Op deze site veel informatie over deze verenigingen en hun vele activiteiten. Ook vindt u hier de bedrijven, gevestigd in en om Grolloo.